කන්සායි ගුවන් තොටුපල

 කන්සායි ගුවන්තොටුපල පිහිටා ඇත්තේ ජපානයේ ඔසාකා බොක්ක මධ්‍යයේ ය.මෙම ගුවන් තොටුපල ව්‍යාපාර කටයුතු සඳහා විවෘත කරන ලද්දේ 1994 සැප්තැම්බර් 4 දා සිටය.කන්සායි ගුවන් තොටුපල අභ්‍යාවකාශයේ සිට දැකිය හැකි කෘතීම පෘථිවි ඉදිකිරීම් 2න් එකකි.මින් අනෙක ලෝ ප්‍රකට චීන මහා ප්‍රාකාරයයි.කන්සායි ගුවන් තොටුපල ගොඩ නැගීමේ මූලික අරමුන වූයේ ජපානය තුළ පැය 24 ම ක්‍රියාත්මක වන ගුවන් තොටුපලක් ගොඩ නැංවීම හා ලෝකය පුරා ඉතා වේගයෙන් ඉහළ යන මගී අවශ්‍යතා සැපිරීමයි.

මෙම දැවැන්ත ගුවන් තොටුපල ගොඩනැගීමට ඔසාකාහි දකුණු ප්‍රදේශයේ විශාල කඳු 3ක් සම්පූර්ණයෙන් ම සමතලා කිරීමට අදාල ව්‍යාපෘති භාර ඉන්ජිනේරුවන්ට සිදු විය.මීට අමතර ව මගී ප්‍රවාහන පහසුව උදෙසා ඔසාකා වරායේ සිට කි.මි 5ක් දිග පාලමක් ගොඩනැගීමට ද සිදු විය.

මෙම විශිෂ්ට නිර්මාණය සිදු කිරීම ඉතා අපහසු මෙන් ම අධික මුදලක් වැය වූ ව්‍යාපෘතියක් වූයේ මෙය හුදෙකලා පෙදෙසක,ශබ්ද දූෂණය අවම වන පරිදි,අනාගතයේ දී අවශ්‍ය නම් විශාල කළ හැකි වන සේ ඉදි වූ ගුවන් තොටුපලක් වීමයි.එමෙන් ම මෙහි යොදා ඇති ඇතැම් තාක්ෂණික ක්‍රම අනාගත ලෝකයට වුව සරිලන පරිදි සකසා තිබීම ද විශේෂත්වයකි.

1වන අදියර යටතේ ගුවන් තොටුපල සහිත දූපත සම්පූර්ණයෙන් ම ආවර්නය වන පරිදි මේ වන විට ඉදිකිරීම් කටයුතු කර තිබුණත් 2වන අදියරේ ඉදිකිරීම් සිදු කිරීමේ දී කෘතීම ලෙස දූපතේ වපසරිය විශාල කොට එහි ඉදිකිරීම් සිදු කිරීමට ගුවන් තොටුපල භාර බලධාරීන් බලාපොරොත්තු වේ.

විදුලි මෝටර් රථ

1995 දී ෆර්ජෝ සමාගම ෆර්ජෝ 106(ඉලෙක්ට්‍රික්) නමින් විදුලි මෝටර් රථයක් සාමාන්‍ය ජනයාගේ පෞද්ගලික භාවිතයට වෙළඳ පොළට නිකුත් කරන ලදී.සුලභ ව භාවිත වන පෙට්‍රල් හා ඩීසල් මෝටර් රථ මෙන් නොව විදුලි මෝටර් රථ වලින් පරිසර දූෂක හා පරිසරයට අහිතකර කිසිවක් මුදා නොහරී.විදුලි මෝටර් රථ වල ඇති තවත් වාසියක් නම් ඒවායේ එන්ජින්වල ආයු කාලය දීර්ඝ වන අතර කාර්මික වශයෙන් ගත් කල ඒවායෙන් මෝටර් රථය භාවිත කරන්නාට මුහුණ දීමට සිදුවන අපහසුතා ඉතා අවම වීමයි.

 106(ඉලෙක්ට්‍රික්) මෝටර් රථයේ උපරිම වේගය 90 කි.මි/පැය වන අතර පූර්ණ ලෙස ආරෝපිත බැටරියකින් කි.මි 80ක් ආවරනය කළ හැක.අඩු උපරිම වේගයක් පැවතීම හා පූර්ණ ආරෝපිත බැටරියකින් ආවර්ණය කළ හැකි දුර ප්‍රමාණය අවම වීම යන අවාසි නිසා පාරිභෝගිකයා තුළ ඇතිවන අප්‍රසාදය මග හැර වීම උදෙසා 106(ඉලෙක්ට්‍රික්) මෝටර් රථය ක්‍රමක් ක්‍රමයෙන් දියුණු කිරීමට දැන් පර්යේෂණ කටයුතු දියත් කර ඇත.

මෙම නූතන වාහනය පෙට්‍රල් හා ඩීසල් වාහන වලට ආදේශකයක් ලෙස පියවරෙන් පියවර නවීකරණය වෙමින් පවතී.කෙසේ වෙතත් විදුලි මෝටර් රථවලට සමගාමීව සූර්ය බලයෙන් ක්‍රියාත්මක මෝටර් රථ ද මෑත ඉතිහාසය තුළ සැළකිය යුතු තාක්ෂණික දියුණුවක් ලබා ඇත.

විදුලි මෝටර් රථයක බැටරිය

කෝශ 20කින් යුත් බැටරි පද්ධතියක් මේ සඳහා භාවිතා වේ.ප්‍රවේගය 0-50 කි.මි/පැය දක්වා ත්වරණය කිරීමට තත්.8.3ක් ගත වන අතර 90 කි.මි/පැය ක උපරිම වේගයකට එළඹිය හැක.මෙම බැටරිය භාවිතයෙන් ආවර්ණය කළ හැකි මුළු දුර කි.මි 80 කි.බැටරිය ආරෝපණයට විශේෂිත උපකරණයක් ද ඇත.2011 වසරේ දී හඳුන්වා දුන් නවතම මෝටර් රථ,මීට පෙර හඳුන්වා දුන් මෝටර් රථවලට වඩා මිලෙන් අධික වන අතර එයට ප්‍රධානම හේතුව මෙහි අඩංඟු ලිතියම් අයන බැටරියයි

නැවත ආරෝපණය 

 ඉහතින් සඳහන් කළ බැටරිය ඕනෑ ම 220v/16 amp සොකට්ටුවක් භාවිත්යෙන් යළි ආරෝපණය කළ හැකි අතර බැටරිය සම්පූර්ණයෙන් ම ආරෝපණයට දළ වශයෙන් පැය 6ක් ගත වේ.ඇතැම් රටවල,බැටරිය යළි ආරෝපණය කිරීමට පහසුකම් ඇති මධ්‍යස්ථාන ඇති අතර ඇතැමුන් නිවස තුලදී විශේෂිත උවාරණයකින් බැටරි ආරෝපණය සිදු කරයි.යුරෝපීය රටවල මෙම තාක්ෂණය කෙමෙන් කෙමෙන් ප්‍රචලිත වීමත් සමගම,ප්‍රධාන නගර ආශ්‍රිතව  ආරෝපණ මධ්‍යස්ථාන ඉදිවීමේද යම් වර්ධනයක් දැකිය හැක.

වර්තමානය වන විට විදුලි මෝටර් රථ ජනයා අතර එතරම් ප්‍රචලිත නොවුනත් එය කෙමෙන් කෙමෙන් හෝ සාමාන්‍ය ජනයා අතර ජනප්‍රිය වීම ඉතා වැදගත් වන්නේ ඉතා ශීග්‍රයෙන් සිදුවෙන පරිසර දූශණයට මෙය කදිම ප්‍රතිකර්මයක් වීමයි.

දුම්රියක චලිත ආනතිය

1960 ගණන්වල සිට දුම්රි-ආනති ක්‍රමය(Tilting Trains) භවිතා වුවද ඉතා වේගයෙන් ගමන් කිරීමේදී මගීන්ට සිදුවන අපහසුතාවය අවම වන පරිදි මෙම ක්‍රමය තාක්ෂණික දියුණුවක් ලැබුවේ මෑත වකවානුවේදීය.එහි ප්‍රතිඵලයක් වශයෙන් වර්තමානයේ දී කාර්මික වශයෙන් දියුණු බොහෝ රටවල් වල අවධානය මෙම දුම්රි-ආනති ක්‍රමය වෙත යොමු වී ඇත.

 වංගුවක් තුළින් දුම්රිය ගමන් කිරීමේදී වංගුවෙන් ඉවතට ඇතිවන කේන්ද්‍ර- අපසාරී බලය දුම්රියේ ආනතිය නිසා වංගුව දෙසට ඇතිවන බලයෙන් සංතුලනය වීම හේතුවෙන් දුම්රිය තුළ සිටින මගීන්ට කිසිඳු අපහසුතාවයක් නොදැනේ

වර්තමාන පරිගණකගත දුම්රි-ආනති පද්ධති පාලනය වන්නේ ස්වයං-සිසැරුම් ක්‍රමය මගිනි.දුම්රිය ව්‍යුහයේ වර්ධනයත් සමග පීලි මගින් ඇතිවන අමතර බලයත්,ස්වයං-සිසැරුම් ක්‍රමය නිසා ඇතිවන අනවශ්‍යය තෙරපුමත් අවම කිරීම මගින් දුම්රියේ ක්‍රියාකාරිත්වය වැඩි දියුණු විය.

වර්තමාන දුම්රි-ආනති තාක්ෂණය නිසා ඒවා ක්‍රියා කරවන්නන්ට දුම්රියේ උපරිම වේගයට ඉතා පහසුවෙන් ළගා වීමට අවස්ථාව ලැබී ඇති අතර දුම්රියේ මෙන් ම දුම්රිය මාර්ගවලට ඇති වන හානිය ද මෙම ක්‍රමය නිසා ඉතා අවම අවම තත්වයක පවතී.